Tennıs: Zarına Dııas Rım týrnıriniń alǵashqy aınalymynan asa almady
ASTANA. QazAqparat - Qazaqstandyq tennısshi Zarına Dııas Rım týrnıriniń alǵashqy aınalymynda álemniń burynǵy birinshi raketkasy, germanııalyq Anjelıka Kerbermen sheberlik baıqasty, dep habarlaıdy QazAqparat tilshisi.
Qazirgi kezde dúnıejúzilik reıtıngte 12-inshi orynda turǵan nemis tennısshisi osy týrnırdiń 11-inshi raketkasy bolyp tirkelgen edi.
Birinshi partııada A.Kerber 6:2 esebimen basym tústi.
Ekinshi partııa áldeqaıda tartysty órbidi. Sóıtip taı-breıkte nemis sportshysy 7:6 (8:6) esebimen jeńiske jetti. Kezdesý 1 saǵat 33 mınýtqa sozyldy.
A.Kerber ekinshi aınalymda álemniń 41-inshi raketkasy, rýmynııalyq Irına Begýmen kortqa shyǵady.
Eske sala keteıik, budan buryn Z.Dııastyń Rım týrnırinde álemniń mańdaıaldy tennısshileriniń biri A.Kerbermen oınaıtynyn jazǵan bolatynbyz. Endi Zarınaǵa aldaǵy «Úlken dýlyǵa» jarysynyń biri Rolan Garros týrnırinde barynsha sátti óner kórsetý qalyp tur. Sonda qazirgi kezde 54-inshi satyda turǵan Z.Dııastyń reıtıngi joǵarylar edi.
