Tennıs: Zarına Dııas Rım týrnırinde álemniń burynǵy birinshi raketkasymen oınaıdy
ORAL. QazAqparat - Qazaqstannyń birinshi, álemniń 54-inshi raketkasy Zarına Dııas Rım týrnırinde germanııalyq Anjelıka Kerbermen oınaıdy, dep habarlaıdy QazAqparat tilshisi.
Myscore.ru sport saıtynan alynǵan málimetke qaraǵanda, osy jarystyń irikteý saıysynyń fınalynda qazaqstandyq tennısshi avstralııalyq Aıla Tomlıanovıchten jeńilip qalǵanymen, negizgi týrnırge lakı lýzer retinde qosyldy. Al kezinde álemdik reıtıngte kósh bastaǵan Anjelıka Kerber qazirgi kezde 12-inshi orynda keledi. A.Kerber - Z.Dııas jubynyń jeńimpazy ekinshi aınalymda rýmynııalyq Irına Begý nemese qytaılyq Shýaı Penniń bireýimen kezdesedi.
Taǵy bir qazaqstandyq tennısshi ıÝlııa Pýtıntseva, sondaı-aq erler arasynda Mıhaıl Kýkýshkın irikteý saıysynyń jartylaı fınalynan asa almady.
Júlde qory 3,2 mln AQSh dollarynan asatyn Rım týrnıri 20 mamyrda márege jetedi.
Aıta keteıik, búgin jańartylǵan dúnıejúzilik reıtıngte Z.Dııas 54-orynda qalsa, ıÝ.Pýtıntseva 85-ten 80-inshi satyǵa kóterildi. M.Kýkýshkın de kórsetkishin jaqsartyp, 96-dan 91-orynǵa aýysty.
