Tennıs: Zarına Dııas Osaka týrnırin jeńispen bastady
NUR-SULTAN. QazAqparat – Qazaqstandyq Zarına Dııas Japonııadaǵy Osaka WTA týrnırin jeńispen bastady, dep habarlaıdy QazAqparat tilshisi.
Dúnıejúzilik reıtıngte 85-orynda turǵan Z.Dııas alǵashqy aınalymda álemniń 69-raketkasy, pýertorıkalyq Monıka Pýıgpen sheberlik baıqasty.
Olardyń ekeýi de 1993 jylǵy, budan bes-alty jyl buryn jaqsy oınap, reıtıngte joǵary kóterilip, úzdik jas oıynshylar qatarynan tabylǵan-dy. Keıingi jyldary sol qarqyndarynan aıyrylyp qalǵandaı edi.
Reıtıngte joǵary turǵandyqtan, M.Pýıg Osaka jarysyna birden tirkelse, Zarına irikteý saıystarynan keıin qosylǵan edi.
Birinshi partııada qazaqstandyq sportshy qarsylasyna birde-bir geım bermeı, utty – 6:0.
Ekinshi sette de Z.Dııas breıkpen alǵa shyqty – 2:0. Tek sodan keıin ǵana M.Pýıg óz geımin aldy. Zarına matchty taǵy bir breıkpen támamdady – 6:3.
Báseke bir saǵatqa jýyq ýaqytqa sozyldy.
Z.Dııas ekinshi aınalymda álemniń 16-raketkasy, amerıkalyq Medıson Kıs nemese reıtıngte 40-oryndaǵy reseılik Darıa Kasatkınanyń bireýimen kezdesedi.
Qazaqstannyń birinshi, álemniń 36-raketkasy ıÝlııa Pýtıntseva osy Osakada (júlde qory – 823 myń AQSh dollary) alǵashqy kezdesýin reıtıngte 23-satyda turǵan horvatııalyq Petra Martıchpen ótkizedi.
Al búgin jańartylǵan reıtıngte 69-orynnan birden 49-ǵa kóterilgen Elena Rybakına Qytaıdaǵy Gýanchjoý jarysynda (júlde qory – 500 myń AQSh dollary) baq synaıdy. Onyń qarsylasy – álemniń 38-raketkasy, chehııalyq Katerjına Sınıakova.
Erler arasynda Sankt-Peterbor týrnırinde (júlde qory – 1,2 mln astam AQSh dollary) Mıhaıl Kýkýshkın men Aleksandr Býblık óner kórsetedi. Osy dodanyń 6-raketkasy bolyp tirkelgen M.Kýkýshkın ıtalııalyq ıAnnık Sınner, al A.Býblık norvegııalyq Kasper Rýdpen kortqa shyǵady.
Eske sala keteıik, budan buryn Z.Dııastyń Osakanyń negizgi týrnırine joldama alǵanyn, al E.Rybakınanyń Nanchanda fınalda jeńilip qalǵanyn jazǵan bolatynbyz.
