Tennıs: Zarına Dııas Melbýrndaǵy týrnırde óner kórsetedi
NUR-SULTAN. QazAqparat – Melbýrnda 31 qańtarda bastalatyn Gippsland Trophy WTA 500 týrnıriniń jerebesi tartyldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, dúnıejúzilik reıtıngte 81-orynda turǵan Zarına Dııas alǵashqy aınalymda álemniń 51-raketkasy, germanııalyq Laýra Zıgemýndpen kezdesedi.
Jarystyń 1-raketkasy Sımona Halep, sondaı-aq Naomı Osaka (2), Elına Svıtolına (3), Arına Sobolenko (4), Iohanna Konta (5), Iga Shventek (6), Elıza Mertens (7), Karolına Mýhova (8), Ekaterına Aleksandrova (9) jáne Van Tsıan (10) dodany ekinshi aınalymnan bastaıdy.
Júlde qory 565 myń AQSh dollaryna baǵalanǵan Melbýrn týrnıri 6 aqpanda márege jetedi.
Melbýrnda 31 qańtar – 6 aqpan aralyǵynda Yarra Valley Classic týrnıri de ótedi. Bul jarystyń birinshi aınalymynda taǵy bir qazaqstandyq ıAroslava Shvedova álemniń 87-raketkasy, belgııalyq Kırsten Flıpkenspen sheberlik baıqasady.
Eske sala keteıik, budan buryn Aleksandr Nedovesovtiń Antalııa týrnırin sátti bastaǵanyn jazǵan bolatynbyz.
