Tennıs: Zarına Dııas Maıamı týrnıriniń shırek fınalyna shyǵa almady
ASTANA. QazAqparat - Qazaqstannyń birinshi, álemniń 56-ynshy raketkasy Zarına Dııas Maıamı (AQSh) týrnırinde dúnıejúzilik reıtıngte 6-ynshy orynda turǵan chehııalyq Karolına Plıshkovamen kortqa shyqty, dep habarlaıdy QazAqparat tilshisi.
Birinshi partııada qos birdeı breık jasaǵan chehııalyq tennısshi 6:2 esebimen jeńiske jetti. Zarına mundaı múmkindigin paıdalana almady.
Ekinshi partııada esep 1:1 bolǵannan keıin Karolına breık jasap, 2:1-men alǵa shyqty. Budan keıin K.Plıshkova dop bergen mezgilde Z.Dııas jaraqatyna baılanysty kezdesýdi jalǵastyrýdan bas tartty.
Budan buryn germanııalyq Karına Vıttxeftpen ótken match barysynda aıaǵyn aýyrsynǵan Zarına medıtsınalyq kómekke júginse de, qaısarlyq tanytyp, ol básekeni jeńispen aıaqtaǵan edi. Jaraqatqa qaramaı, oınaı berý densaýlyqqa zııan ári asqynyp ketýi múmkin. Sondyqtan qazaqstandyq tennısshige tez emdelip, aldaǵy jarystarda jeńisti jolyn jalǵastyrýyn tileımiz.
Osylaısha Z.Dııas júlde qory 8 mln AQSh dollarynan asatyn Maıamı týrnıriniń tórtinshi aınalymyna deıin jetkenimen, shırek fınalyna shyǵa almady. Ol K.Plıshkovadan budan buryn da bir ret jeńilgen bolatyn. Zarınanyń bul iri jarysta tórtinshi aınalymǵa jetýiniń ózi úlken tabys deýge bolady.
Eske sala keteıik, Maıamı týrnıri 1 sáýir kúni márege jetedi.
