Tennıs: Zarına Dııas Maıamı týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 56-ynshy raketkasy Zarına Dııas Maıamı (AQSh) týrnıriniń ekinshi aınalymyna shyqty, dep habarlaıdy QazAqparat tilshisi.
Qazaqstandyq tennısshi júlde qory 8,6 mln AQSh dollarynan asatyn Maıamı týrnırindegi birinshi kezdesýinde álemniń 83-inshi raketkasy, kort ıesi Djennıfer Breıdımen kúsh synasty.
Asa tartysty ótken básekede Zarına 7:5, 7:6 (10:8) esebimen jeńiske jetti. Match 1 saǵat 54 mınýtqa sozyldy.
Ekinshi aınalymda Z.Dııas osy jarysta 18-inshi raketka bolyp tirkelgen, qazirgi kezde álemdik reıtıngte 27-inshi satyǵa túsip qalǵan belgili reseılik tennısshi, kezinde US Open jáne Rolan Garros týrnırlerin utqan Svetlana Kýznetsovamen kezdesedi.
Taǵy bir qazaqstandyq tennısshi ıÝlııa Pýtıntseva qazirgi sátte rýmynııalyq Monıka Nıkýleskýmen oınap jatyr.
Erler arasyndaǵy básekede Qazaqstannyń birinshi, álemniń 75-inshi raketkasy Mıhaıl Kýkýshkın reıtıngte ózinen toǵyz saty tómen turǵan rýmynııalyq Marıýsh Kopılmen sheberlik baıqasady.
Eske sala keteıik, Maıamı týrnıri 1 sáýirde márege jetedi.
