Tennıs: Zarına Dııas Marııa Sharapovamen kezdesýi múmkin
ASTANA. QazAqparat - Qazaqstandyq tennısshi Zarına Dııas Shenchjen týrnırinde ekinshi jeńisine qol jetkizdi, dep habarlaıdy «QazAqparat» tilshisi.
Qytaıda ótip jatqan halyqaralyq týrnırdiń ekinshi aınalymynda álemniń 66-ynshy raketkasy Z.Dııas dúnıejúzilik reıtıngte 35-orynda turǵan Chjan Shýaımen sheberlik baıqasty. Tartysty kezdesýde Zarına birinshi partııany 6:3 esebimen utqanymen, ekinshisinde taı-breıkte 6:7 (5:7) esebimen ese jiberdi. Degenmen sheshýshi partııany 6:4 esebimen óz paıdasyna jaza bildi.
Osylaısha, jańa jyldy sátti bastaǵan Zarına Shenchjen týrnıriniń (júlde qory - 750 myń AQSh dollary) shırek fınalyna shyqty. Endi ol ataqty reseılik, álemniń 59-ynshy raketkasy Marııa Sharapova nemese amerıkalyq, dúnıejúzilik reıtıngte 70-inshi orynda turǵan Elıson Rıskeniń qaı jeńgenimen kezdesedi. Kezinde «Úlken dýlyǵa» týrnırin bes márte utyp, dúnıejúzilik reıtıngte kósh bastaǵan M.Sharapovanyń «dopıng qoldandy» dep aıyp taǵylǵannan keıin tennıs jarystaryna ótken jyly qaıta qosylǵany belgili.
Aıta keteıik, Qazaqstannyń birinshi, álemniń 50-inshi raketkasy ıÝlııa Pýtıntseva úshin jyl sátsiz bastaldy. Ol Oklend (Jańa Zelandııa) týrnırinde osy jarysqa irikteý syny arqyly qosylǵan álemdik reıtıngte 183-inshi satyda turǵan belgııalyq Isalın Bonavantıýrdan 3:6, 3:6 esebimen utylyp qaldy.
