Tennıs: Zarına Dııas Manchester týrnıriniń shırek fınalyna shyqty
NUR-SULTAN. QazAqparat - Qazaqstandyq tennısshi Zarına Dııas Manchester ITF týrnıriniń shırek fınalyna shyqty, dep habarlaıdy QazAqparat tilshisi.
Dúnıejúzilik reıtıngte 101-orynda turǵan Z.Dııas ekinshi aınalymda amerıkalyq, álemniń 176-raketkasy Robın Andersonmen kezdesti.
Birinshi sette Zarınanyń basym bolǵany sondaı, qarsylasyna birde-bir geım bergen joq - 6:0.
Ekinshi partııada da Z.Dııas Andersonnyń adymyn ashtyrmady - 6:1.
Báseke 51 mınýtqa sozyldy.
Jarystyń úshinshi raketkasy bolyp tirkelgen Z.Dııas shırek fınalda reıtıngte 105-oryndaǵy japonııalyq Mısakı Doı nemese qytaılyq Sııýı Vannyń qaı jeńgenimen kortqa shyǵady.
Erler arasynda Qazaqstannyń birinshi, álemniń 47-raketkasy Mıhaıl Kýkýshkın Hertogenbos (Nıderlandy) týrnıriniń shırek fınalyna shyǵa almady.
Ol ekinshi aınalymda álemniń 42-raketkasy, franıtsıalyq Rıshar Gaskemen kúsh synasty. Munda frantsııalyq sportshy 6:3, 6:4 esebimen utty.
R.Gaske júlde qory 711 275 eýroǵa baǵalanǵan jarystyń jartylaı fınalyna shyǵý úshin chılılik Nıkolas Harrımen talasady.
Eske sala keteıik, budan buryn Elena Rybakınanyń Hertogenbos jarysynyń shırek fınalyna shyqqanyn, al Aleksandr Nedovesovtiń Shymkent týrnıriniń jartylaı fınalyna óte almaǵanyn jazǵan bolatynbyz.
