Tennıs: Zarına Dııas Manchester týrnıriniń ekinshi aınalymyna shyqty
NUR-SULTAN. QazAqparat - Qazaqstandyq tennısshi Zarına Dııas Manchester (Ulybrıtanııa) ITF týrnıriniń ekinshi aınalymyna shyqty, dep habarlaıdy QazAqparat tilshisi.
Osy týrnırdiń úshinshi raketkasy bolyp tirkelgen, álemdik reıtıngte 101-orynda turǵan Z.Dııas alǵashqy aınalymda 252-satydaǵy amerıkalyq Djeımı Lobpen kezdesti.
Birinshi partııada Zarına 6:3 esebimen basymdylyq kórsetti.
Ekinshi sette qos birdeı breık jasaǵan qazaqstandyq tennısshi 4:1 esebimen alǵa ketti. Budan keıin qaıyra breık jasaǵan D.Lob esepti qysqarta aldy. Degenmen Z.Dııas óz múmkindigin jibergen joq - 6:4.
Báseke bir saǵattan astam ýaqytqa sozyldy.
Z.Dııas Manchester týrnıriniń shırek fınalyna shyǵý úshin amerıkalyqtar, álemniń 176-raketkasy Robın Anderson nemese 183-oryndaǵy Krıstı Annyń bireýimen talasady.
Kógal tósenishinde ótip jatqan Manchester dodasy da «Úlken dýlyǵa» týrnıri - Ýımbldon jarysy aldyndaǵy daıyndyq kezeńi bolyp esepteledi. Bıyl Ýımbldon týrnıri 1-14 shilde aralyǵynda ótedi. Zarınanyń «Úlken dýlyǵa» týrnırindegi iri tabystary osy Ýımbldonmen baılanysty. Zarına 2014 jáne 2015 jyldary Ýımbldonnyń tórtinshi aınalymyna deıin jetti. Sonyń alǵashqysynda rýmynııalyq Sımona Halepke ese jiberse, 2015 jyly reseılik Marııa Sharapovadan utylǵan edi. Bulardyń ekeýi de - dúnıejúzilik reıtıngte kósh bastaǵan óte myqty tennısshiler.
Bıyl Ýımbldon týrnırinde sátti óner kórsetse, Zarınanyń tabysy molaıyp, reıtıngisi joǵarylaıtyny anyq.
Eske sala keteıik, budan buryn Elena Rybakına men Mıhaıl Kýkýshkınniń Hertogenbos týrnıriniń ekinshi aınalymyna shyqqanyn, al Aleksandr Nedovesovtiń Shymkent týrnırin jeńispen bastaǵanyn jazǵan bolatynbyz.
