Tennıs: Zarına Dııas Madrıdte negizgi týrnırge óte almady
NUR-SULTAN. QazAqparat – Qazaqstandyq, álemniń 89-raketkasy Zarına Dııas Madrıd WTA 1000 týrnıriniń negizgi jarysyna óte almady, dep habarlaıdy QazAqparat tilshisi.
Z.Dııas irikteý saıystarynyń fınalynda dúnıejúzilik reıtıngte 137-orynda turǵan ýkraınalyq Katerına Kozlovamen sheberlik baıqasty.
Birinshi partııany ýkraınalyq tennısshi óz esebine jaza bildi – 6:4.
Ekinshi sette esep 2:2 bolǵan mezette K.Kozlova breık jasap ketti. Ol matchqa dop bergende, Zarına qos birdeı breık-poıntyn paıdalana almady. Ekinshi partııada da esep 6:4-pen bitti.
Báseke 1 saǵat 28 mınýtqa sozyldy.
Osylaısha K.Kozlova 29 sáýirde bastalatyn Madrıdtiń negizgi týrnırine joldama aldy. Onda Qazaqstannan Elena Rybakına, ıÝlııa Pýtıntseva jáne ıAroslava Shvedova óner kórsetedi.
Eske sala keteıik, budan buryn Zarına Dııastyń Madrıd týrnıriniń irikteý saıysyn sátti bastaǵanyn, qazaqstandyq tennısshilerdiń qarsylastary belgili bolǵanyn jazǵan edik.
