Tennıs: Zarına Dııas Madrıd týrnırinde baq synaıdy
ASTANA. QazAqparat - Qazaqstannyń birinshi, álemniń 54-inshi raketkasy Zarına Dııas Madrıd týrnırinde baq synaıdy, dep habarlaıdy QazAqparat tilshisi.
Zarına alǵashqy aınalymda dúnıejúzilik reıtıngte 69-ynshy satyda turǵan Pýerto-Rıko eliniń ókili Monıka Pýıgpen kezdesedi. M.Pýıg ońaı shaǵylatyn jańǵaq emes, 2014 jyly Strasbýrg týrnırinde jeńimpaz atanǵan ol Rıo Olımpıadasynda da ozyq shyqty. Zarına ekeýi - bir jyldyń tóli, bıyl 25-ke tolady. Jas kezderinde erekshe kórinip, budan buryn da kortta joldary túıisken qarsylastar.
Eger Z.Dııas M.Pýıgti utsa, ekinshi aınalymda álemniń 10-ynshy raketkasy, chehııalyq Petra Kvıtova nemese reıtıngte 38-inshi orynda turǵan ýkraınalyq Lesıa Tsýrenkonyń birimen kezdesedi.
Júlde qory 7,4 mln AQSh dollarynan asatyn Madrıd týrnıri 13 mamyrda márege jetedi. Qazirgi kezde irikteý saıystary ótýde.
Bul doda «Úlken dýlyǵa» týrnıriniń biri - Rolan Garros jarysy aldyndaǵy eń mańyzdy synaq bolyp sanalady.
Eske sala keteıik, budan buryn Z.Dııas pen ıÝlııa Pýtıntsevanyń Rabat týrnırinde jeńilip qalǵanyn jazǵan bolatynbyz.
Foto: gdb.rferl.org
