Tennıs: Zarına Dııas Lıýksembýrgta Tokıo Olımpıadasynyń chempıonyna jol berdi
NUR-SULTAN. QazAqparat – Qazaqstandyq Zarına Dııas Lıýksembýrg WTA 250 týrnıriniń shırek fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 105-orynda turǵan Z.Dııas ekinshi aınalymda álemniń 12-inshi, osy jarystyń 1-raketkasy, Tokıo Olımpıadasynyń chempıony, shveıtsarııalyq Belında Benchıchpen kezdesti.
Qarsylastardyń buǵan deıin úsh márte joldary toqaılasyp, sonyń ekeýinde shveıtsarııalyq tennısshi jeńgen bolatyn. Tokıoda B.Benchıch sondaı-aq Qazaqstannyń birinshi raketkasy Elena Rybakınany jartylaı fınalda qapy qaldyrǵan edi.
Bul joly B.Benchıch birinshi partııada úsh breık jasap, esh jeńistik bergen joq – 6:1.
Ekinshi sette Z.Dııas breık jasap, 2:1 esebimen alǵa shyqqanymen, sol qarqynyn jalǵastyra almady. Aqyry B.Benchıch matchty jeńispen túıindeı bildi – 6:3.
Bir saǵatqa sozylǵan básekede tennısshiler bir-birden eıs jasady. Esesine shveıtsarııalyq sportshy 13 breık-poınttyń beseýin paıdalansa, Zarına bir ǵana breıkpen shekteldi.
B.Benchıch júlde qory 235 myń AQSh dollarynan asatyn jarystyń jartylaı fınalyna shyǵý úshin reıtıngte 48-satydaǵy reseılik Lıýdmıla Samsonovamen talasady.
Eske sala keteıik, budan buryn Zarına Dııastyń Lıýksembýrg týrnıriniń ekinshi aınalymyna shyqqanyn jazǵan bolatynbyz.
Sondaı-aq ıÝlııa Pýtıntseva Slovenııadaǵy jarystyń shırek fınalyna ótti.
