Tennıs: Zarına Dııas qytaılyq qarsylasyn tize búktirdi
ASTANA. QazAqparat - Nıý-Delı qalasynda (Úndistan) Federatsııa kýbogy úshin Qazaqstan - Qytaı matchynda kortqa alǵashqy bolyp Zarına Dııas pen Chjaosıýan ıAn shyqty, dep habarlaıdy «QazAqparat» tilshisi.
Zarına álemdik reıtıngte 55-inshi, al qytaılyq tennısshi 412-inshi satyda turǵanyna qaramastan, ekeýi de óz elderiniń namysy úshin baryn saldy. Birinshi partııada qazaqstandyq sportshy 7:5 esebimen basym tústi. 1 saǵat 17 mınýtqa sozylǵan matchtyń ekinshi partııasyn da Zarına 6:2 esebimen utty.
Qazaqstannyń birinshi raketkasy Zarına Dııas Gonkong jáne Úndistan quramalarymen kezdesýdi de sátti bastap, qarsylastaryn tize búktirgen edi.
Búgin ekinshi kezdesýde álemniń 81-inshi raketkasy ıÝlııa Pýtıntseva dúnıejúzilik reıtıngte 125-inshi orynda turǵan ıAfan Vanmen sheberlik baıqasady.
Eske sala keteıik, qazaqstandyqtar budan buryn Gonkong eliniń ókilderin 3:0, úndistandyqtardy 2:1 esebimen utqan bolatyn. Búgin olar A tobynda qytaılyqtarmen birinshi oryn talasýda. Bul topta jeńimpaz atanǵan qurama V tobynda úzdik shyqqan komandamen ІІ Álemdik lıganyń pleı-off kezeńine beriletin joldamany sarapqa salady.
