Tennıs: Zarına Dııas Kýala-Lýmpýrda WTA týrnıriniń shırek fınalyna ótti
ASTANA. QazAqparat - Qazaqstandyq tennısshi Zarına Dııas Malaızııanyń Kýala-Lýmpýr qalasynda ótip jatqan WTA týrnıriniń shırek fınalyna ótti, dep habarlaıdy sports.kz.
Dodanyń ekinshi aınalymynda ol ıtalıandyq tennısshi Djýlııa Gatto-Montıkoneni 6:1, 6:4 esebimen tize búktirdi.
Aıta keteıik, Dııas álemdegi eń úzdik 100 tennısshiniń qatarynda. Al ıtalıandyq sportshy WTA reıtıngisiniń tek 237-ornynda tur.
Bunyń aldynda 20 jastaǵy Z.Dııas birinshi aınalym matchynda Grekııanyń 31 jastaǵy sportshysy Elenı Danılıdýdi 6:2, 6:2 esebimen oısyrata jeńgen bolatyn.
