Tennıs: Zarına Dııas Indıan-Ýellstegi týrnırdi sátti bastady
ASTANA. QazAqparat - Qazaqstandyq tennısshi Zarına Dııas Indıan-Ýellstegi (AQSh) chellendjer týrnırin sátti bastady, dep habarlaıdy QazAqparat tilshisi.
Týrnırdiń 12-raketkasy bolyp tirkelgen, dúnıejúzilik reıtıngte 96-orynda turǵan qazaqstandyq sportshy jarysqa ekinshi aınalymnan qosyldy. Z.Dııas reıtıngte 169-satydaǵy qytaılyq Han Sın-ıÝnmen kúsh synasty. Bir saǵatqa jýyq ýaqytqa sozylǵan match qazaqtandyq tennısshiniń basymdyǵymen ótip, Zarına 6:1, 6:1 esebimen jeńiske jetti.
Z.Dııas shırek fınalǵa shyǵý úshin osy týrnırdiń 8-raketkasy, reıtıngte ózinen on saty joǵary turǵan tájirıbeli estonııalyq tennısshi Kaııa Kanepımen kúsh synasady.
Taǵy bir qazaqstandyq, álemniń 153-raketkasy Aleksandr Býblık Raý (Frantsııa) chellendjer týrnıriniń ekinshi aınalymynda ıspanııalyq Haver Kosano Barrankony utty. Ol ulybrıtanııalyq, reıtıngte 272-oryndaǵy ıAn Choınskımen shırek fınal joldamasyn sarapqa salady.
Eske sala keteıik, budan buryn Qazaqstannyń birinshi, álemniń 39-raketkasy Mıhaıl Kýkýshkın jaraqatyna baılanysty Dýbaı týrnırinde oınaýdan bas tartqan bolatyn.
