Tennıs: Zarına Dııas Indıan-Ýellste negizgi týrnırge joldama aldy
NUR-SULTAN. QazAqparat – Qazaqstandyq Zarına Dııas Indıan-Ýells (AQSh) WTA 1000 jarysynda negizgi týrnırge joldama aldy, dep habarlaıdy QazAqparat tilshisi.
Álemniń 108-raketkasy Z.Dııas irikteý saıystarynyń fınalynda reıtıngte 138-satyda turǵan Belarýs ókili Olga Govortsovamen oınady.
Qazaqstandyq tennısshi 1 saǵat 17 mınýtqa sozylǵan matchta 6:3, 6:3 esebimen jeńiske jetti.
Báseke barysynda Zarına 1 eıs jasap, 11 breık-poınttyń tórteýin paıdalandy. Eıs jasamaǵan qarsylasy 1 breıkpen (4 breık-poınt) shekteldi.
Z.Dııastyń Indıan-Ýellstiń negizgi dodasyndaǵy qarsylasy keıin anyqtalady.
Búgin taǵy bir qazaqstandyq, álemniń 43-raketkasy ıÝlııa Pýtıntseva Indıan-Ýellstiń alǵashqy aınalymynda reıtıngte 74-oryndaǵy germanııalyq Andrea Petkovıchpen
sheberlik baıqasady. Ony jeńse, Pýtıntseva ekinshi aınalymda Qazaqstannyń birinshi, álemniń 16-ynshy, osy jarystyń 13-raketkasy Elena Rybakınamen ózara kezdesedi.
Erler arasynda qazaqstandyq, álemniń 149-raketkasy Mıhaıl Kýkýshkın Indıan-Ýells týrnıriniń irikteý saıystarynyń jartylaı fınalyna oınamastan ótti. Onyń qarsylasy, kanadalyq Stıven Dıas kortqa shyqqan joq. Endi irikteý saıystarynyń fınalyna ótý úshin M.Kýkýshkın dúnıejúzilik reıtıngte 178-orynda turǵan amerıkalyq Ernesto Eskobedomen sheberlik baıqasady.
Eske sala keteıik, budan buryn Zarına Dııastyń Indıan- Ýells týrnıriniń irikteý saıysyn sátti bastaǵanyn, qazaqstandyq tennısshilerdiń Barselona jarysyn jeńispen bastaǵanyn jazǵan bolatynbyz.
