Tennıs: Zarına Dııas Indıan-Ýellste negizgi týrnırge joldama aldy
ASTANA. QazAqparat - Qazaqstandyq Zarına Dııas Indıan-Ýellste negizgi týrnırge joldama aldy, dep habarlaıdy QazAqparat tilshisi.
Dúnıejúzilik reıtıngte 94-orynda turǵan qazaqstandyq tennısshi irikteý saıystarynyń fınalynda amerıkalyq, álemniń 123-raketkasy Nıkol Gıbbspen kúsh synasty.
Z.Dııas qarsylasyn birinshi sette taı-breıkte tize búktirdi 7:6 (7:4). Ekinshi partııa 7:5 esebimen aıaqtaldy.
Tartysty match 2 saǵat 4 mınýtqa sozyldy.
Z.Dııastyń negizgi týrnırdegi qarsylasy keıin anyqtalady.
Qazaqstannyń birinshi, álemniń 47-raketkasy ıÝlııa Pýtıntseva alǵashqy aınalymda Vengrııa eliniń ókili, reıtıngte 102-oryndaǵy Tımeıa Baboshpen sheberlik baıqasady.
Júlde qory 8,4 mln AQSh dollaryna jýyqtaıtyn Indıan-Ýells týrnıri eki aptaǵa sozylyp, 17 naýryzda márege jetedi. Oǵan álemniń 1-raketkasy, Japonııanyń jaryq juldyzy, osy jarystyń ótken jylǵy jeńimpazy Naomı Osaka bastaǵan mańdaıaldy tennısshiler qatysady.
Eske sala keteıik, budan buryn Zarına Dııastyń Indıan-Ýells týrnıriniń irikteý saıysyn sátti bastaǵanyn jazǵan bolatynbyz.
Al Frantsııadaǵy týrnırdiń jeńimpazy atanǵan Aleksandr Býblık reıtınte birden 19 satyǵa joǵarylady.
