Tennıs: Zarına Dııas Indıan-Ýells týrnıriniń jartylaı fınalyna shyqty
ASTANA. QazAqparat - Qazaqstandyq tennısshi Zarına Dııas Indıan-Ýellstegi chelendjer týrnıriniń shırek fınalynda amerıkalyq Francheska Dı Lorentsomen kezdesti, dep habarlaıdy QazAqparat tilshisi.
Z.Dııas álemdik reıtıngte 96-orynda bolsa, qarsylasy 179-satyda edi.
Osy jarystyń12-raketkasy bolyp tirkelgen qazaqstandyq tennısshi birinshi partııada esep 5:4bolǵan mezette set-poınttardyń birin sátti paıdalana bildi - 6:4.
Ekinshi sette breık jasaǵan Zarına Dııas 3:0 esebimen alǵa shyqty. Tórtinshi geımde de breık jasaıtyndaı múmkindikteri boldy. Aqyry sol basymdylyqtan aıyrylmaı, úshinshi match bolyn qur jibergen joq - 6:3.
Báseke 1 saǵat 35 mınýtqa sozyldy.
Z.Dııas jartylaı fınalda taǵy bir amerıkalyq, reıtıngte ózinen eki saty joǵary turǵan Djennıfer Bredımen sheberlik baıqasady.
Eske sala keteıik, budan buryn Zarına Dııastyń Indıan-Ýells týrnırin sátti bastap, sodan keıin shırek fınalǵa shyqqanyn jazǵan bolatynbyz.
Taǵy bir qazaqstandyq tennısshi, reıtıngte 153-oryndaǵy Aleksandr Býblık Frantsııadaǵy jarystyń jartylaıfınalyna shyqty. Ol osy týrnırdiń birinshi, álemniń 125-raketkasy, frantsııalyq Gregýar Barrermen fınalǵa beriler joldamany sarapqa salady.
