Tennıs: Zarına Dııas Indıan-Ýells týrnıriniń irikteý saıysyn sátti bastady
NUR-SULTAN. QazAqparat – Qazaqstandyq Zarına Dııas Indıan-Ýells (AQSh) WTA 1000 týrnıriniń irikteý saıysyn sátti bastady, dep habarlaıdy QazAqparat tilshisi.
Dúnıejúzilik reıtıngte 108-orynda turǵan Z.Dııas bastapqy kezdesýin álemniń 170-raketkasy, japonııalyq Kýrýmı Naramen ótkizdi.
Qazaqstandyq tennısshi 1 saǵat 17 mınýtqa sozylǵan matchta 6:4, 6:3 esebimen jeńiske jetti.
Báseke barysynda Zarına 2 eıs jasap, 11 breık-poınttyń altaýyn paıdalandy. Qarsylasy 8 breık-poınttyń teń jartysyn óz esebine jazdy.
Z.Dııas irikteý saıystarynyń fınalynda reıtıngte 138-satydaǵy Belarýs ókili Olga Govortsovamen sheberlik baıqasady. Ony jeńse, negizgi týrnırge joldama alady.
Erteń Indıan-Ýellste negizgi jarys ta bastalady. Qazaqstannyń birinshi, álemniń 16-ynshy, osy dodanyń 13-raketkasy Elena Rybakına dodany ekinshi aınalymnan bastaıdy. Taǵy bir qazaqstandyq, álemniń 43-raketkasy ıÝlııa Pýtıntseva reıtıngte 74-oryndaǵy germanııalyq Andrea Petkovıchpen oınaıdy. Ony utsa, ekinshi aınalymda E.Rybakına men ıÝ.Pýtıntsevanyń joldary toqaılasady.
Іri týrnır 17 qazanda márege jetedi. Ótken jyly munda kanadalyq Bıanka Andreeský top jarǵan bolatyn. Ol fınalda germanııalyq Anjelıka Kerberdi 6:4, 3:6, 6:4 esebimen tize búktirgen edi.
Erler arasynda Indıan-Ýells týrnıriniń irikteý saıystaryna Qazaqstannan Mıhaıl Kýkýshkın qatysady. Ol aldymen kanadalyq Stıven Dıaspen kortqa shyǵady.
Eske sala keteıik, budan buryn Elena Rybakınanyń Chıkago jarysynyń fınalyna shyǵa almaǵanyn, Dmıtrıı Popkonyń Lıssabonda chempıon atanǵanyn jazǵan bolatynbyz.
D.Popko osy aptada taǵy bir qazaqstandyq Tımofeı Skatovpen birge Barselonada baq synaıdy.
