Tennıs: Zarına Dııas Indıan-Ýells týrnıriniń ekinshi aınalymyna shyqty
NUR-SULTAN. QazAqparat – Qazaqstandyq, álemniń 108- raketkasy Zarına Dııas Indıan-Ýells (AQSh) WTA 1000 týrnıriniń ekinshi aınalymyna shyqty, dep habarlaıdy QazAqparat tilshisi.
Jarysty irikteý saıystarynan bastaǵan Z.Dııas alǵashqy aınalymda dúnıejúzilik reıtıngte 121-satyda turǵan japonııalyq Nao Hıbınomen kezdesti.
Buǵan deıin qarsylastardyń ózara tórt márte joldary toqaılasyp, sonyń úsheýinde japonııalyq tennısshi jeńiske jetken edi.
Bul joly 1 saǵat 14 mınýtqa sozylǵan matchta Z.Dııas 6:3, 6:3 esebimen basym tústi.
Báseke barysynda qazaqstandyq sportshy 2 eıs jasap, 14 breık-poınttyń beseýin paıdalandy. Qarsylasy 1 eıs, 2 breıkpen (4 breık-poınt) shekteldi.
Z.Dııas ekinshi aınalymda álemniń besinshi, dodanyń 3- raketkasy, chehııalyq Barbora Kreıchıkovamen oınaıdy.
Eske sala keteıik, budan buryn Zarına Dııastyń Indıan- Ýellste negizgi týrnırge joldama alǵanyn, ıÝlııa Pýtıntseva men Elena Rybakınanyń ekinshi aınalymda ózara
kezdesetinin jazǵan bolatynbyz.
