Tennıs: Zarına Dııas Gonkong týrnıriniń alǵashqy aınalymynan asa almady
ASTANA. QazAqparat - Qazaqstandyq tennısshi Zarına Dııas Gonkong týrnıriniń alǵashqy aınalymynda avstralııalyq Darıa Gavrılovamen kúsh synasty, dep habarlaıdy QazAqparat tilshisi.
Qazaqstandyq tennısshi dúnıejúzilik reıtıngte 90-ynshy orynda bolsa, osy týrnırdiń jetinshi raketkasy bolyp tirkelgen D.Gavrılova 34-inshi satyda keledi.
Tartysty ótken báseke barysynda Zarına Dııas birinshi partııany 6:3 esebimen utty.
Ekinshi sette esep 6:5 bolyp turǵan mezette avstralııalyq tennısshi breık jasaı bildi, esep - 7:5.
Úshinshi, sheshýshi sette ekinshi geımde Zarına dop bergen sátte D.Gavrılova breık jasap, 2:0 esebimen alǵa shyqty. Degenmen, Dııas ta qarap qalmaı, breıkpen jaýap qaıyrdy. Biraq Darıa taǵy bir breık jasap, óz geımin de alyp, esepti 4:1-ge jetkizdi. Odan keıin de qarqynyn báseńdetken joq, esep 6:1 boldy.
Kezdesý 2 saǵat 14 mınýtqa sozyldy.
D.Gavrılova ekinshi aınalymda rýmynııalyq Monıka Nıkýleský nemese Týnıs eliniń ókili Ons Jaberdiń bireýimen sheberlik baıqasady.
Júlde qory 225 myń AQSh dollary bolatyn atalmysh týrnır 14 qazan kúni márege jetedi.
Qazaqstannyń - birinshi, álemniń 47-inshi raketkasy ıÝlııa Pýtıntseva júlde qory 750 myń AQSh dollaryn quraıtyn Tıantszın (Qytaı) týrnıriniń alǵashqy aınalymynda japonııalyq tennısshi, álemdik reıtıngte 154-inshi satyda turǵan Mısakı Doıdan 0:6, 6:3, 6:7 (6:8) esebimen utylyp qaldy.
Eske sala keteıik, budan buryn Zarına Dııastyń Gonkong týrnırinde oınaıtynyn jazǵan bolatynbyz.
Búgin erler arasynda Mıhaıl Kýkýshkın Shanhaı týrnırin sátti bastady.
