Tennıs: Zarına Dııas Dýbaıdyń negizgi týrnırine joldama aldy
ASTANA. QazAqparat - Qazaqstandyq Zarına Dııas Dýbaı týrnıri irikteý saıysynyń fınalynda rýmynııalyq Monıka Nıkýleskýmen kúsh synasty, dep habarlaıdy QazAqparat tilshisi.
Zarına dúnıejúzilik reıtıngte 96-orynda bolsa, Monıka odan on saty tómen-di. Birinshi partııa barysynda qarsylastar birneshe ret breıkpen almasty. Esep 4:4 bolǵan mezette Zarına taǵy bir breık jasap, óz geımin de aldy 6:4.
Ekinshi sette Z.Dııas breık jasap, alǵa shyqty - 3:1. Aqyry sol basymdyǵynan aıyrylǵan joq - 6:4.
Báseke saǵat jarymdaı ýaqytqa sozyldy. Osylaısha Zarına negizgi týrnırge joldama aldy.
Júlde qory 2,5 mln astam AQSh dollaryna baǵalanǵan Dýbaı týrnıri 24 aqpanda márege jetedi. Onda Qazaqstannyń birinshi, álemniń 43-raketkasy ıÝlııa Pýtıntseva da óner kórsetedi. Qazaqstandyq tennısshilerdiń qarsylastary keıin anyqtalady.
Eske sala keteıik, budan buryn Zarına Dııastyń Dýbaı týrnıriniń irikteý saıysyn sátti bastaǵanyn jazǵan bolatynbyz.
