Tennıs: Zarına Dııas Chıkago týrnıriniń shırek fınalyna shyqty
NUR-SULTAN. QazAqparat – Qazaqstandyq, álemniń 112-raketkasy Zarına Dııas Chıkago WTA 125 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekinshi aınalymda reıtıngte 114-orynda turǵan ıtalııalyq Sara Erranımen kezdesti.
Birinshi partııada Zarına 6:3 esebimen basym tústi. Ekinshi sette 34 jastaǵy tájirıbeli tennısshi ese qaıyrdy – 6:1.
Úshinshi, sheshýshi partııada Z.Dııas 3:1 esebimen alǵa shyqqanymen, qarsylasy tarazy basyn teńestirdi. Degenmen Zarına taǵy bir breıkke qol jetkizip, matchty jeńispen túıindedi – 6:4.
2 saǵat 20 mınýtqa sozylǵan tartysty básekede qazaqstandyq sportshy 3 breık jasap, 12 breık-poınttyń teń jartysyn múlt jibergen joq. S.Erranı 1 eıs jasap, 16 breık-poınttyń altaýyn paıdalandy.
Z.Dııas jartylaı fınalǵa shyǵý úshin álemniń 66-ynshy, osy jarystyń 3-raketkasy, amerıkalyq Enn Lımen talasady. Ol ekinshi aınalymda reıtıngte 102-satydaǵy frantsııalyq Osean Dodendi qınalmaı utty – 6:3, 6:1.
Eske sala keteıik, budan buryn Zarına Dııastyń Chıkago jarysyn jeńispen bastaǵanyn, Elena Rybakınanyń Tsıntsınnatı týrnıriniń úshinshi aınalymyna shyqqanyn jazǵan bolatynbyz.
Sondaı-aq E.Rybakına juptyq synda da Tsıntsınnatı týrnıriniń ekinshi aınalymyna shyqty.
Al Aleksandr Nedovesov juptyq synda Germanııadaǵy týrnırdiń jartylaı fınalyna shyqty.
