Tennıs: Zarına Dııas Chıkago týrnırin jeńispen bastady
NUR-SULTAN. QazAqparat – Qazaqstandyq Zarına Dııas Chıkago WTA 125 týrnırin jeńispen bastady, dep habarlaıdy QazAqparat tilshisi.
Dúnıejúzilik reıtıngte 106-orynda turǵan qazaqstandyq tennısshi alǵashqy kezdesýin álemniń 79-ynshy, osy jarystyń 5-raketkasy, amerıkalyq Medıson Brenglmen ótkizdi.
Birinshi partııada taı-breıkte kort ıesi sátti oınaı aldy – 7:6 (7:2). Esesine ekinshi sette Zarına qarymta qaıtardy – 7:6 (7:5).
Úshinshi, sheshýshi partııada Z.Dııas jeńisti julyp aldy – 6:4.
Báseke asa tartysty ótip, 2 saǵat 41 mınýtqa sozyldy.
Match barysynda qarsylastar eıs jasaǵan joq. Zarına 22 breık-poınttyń 9-yn paıdalandy. Brengl 15 breık-poınttyń 8-in óz esebine jazdy.
Z.Dııas shırek fınalǵa shyǵý úshin reıtıngte 117-satydaǵy ıtalııalyq, 34 jastaǵy tájirıbeli tennısshi Sara Erranımen talasady.
Eske sala keteıik, budan buryn ıÝlııa Pýtıntsevanyń Tsıntsınnatı týrnırin jeńispen bastaǵanyn, Aleksandr Býblıktiń sol masters jarysynyń ekinshi aınalymyna shyqqanyn jazǵan bolatynbyz.
Sondaı-aq Elena Rybakına Tsıntsınnatı týrnıriniń ekinshi aınalymyna ótti.
