Tennıs: Zarına Dııas Charlston týrnırin jeńispen bastady
NUR-SULTAN. QazAqparat – Qazaqstandyq Zarına Dııas Charlston (AQSh) WTA 500 týrnıriniń ekinshi aınalymyna shyqty, dep habarlaıdy QazAqparat tilshisi.
Álemniń 88-raketkasy Z.Dııas alǵashqy aınalymda irikteý saıysy jeńimpazdarynyń biri, dúnıejúzilik reıtıngide 151-orynda turǵan reseılik Natalıa Vıhlıantsevamen kezdesti.
Birinshi partııa barysynda Zarına óz sheberliginiń basym ekendigin tanyta bildi – 6:3.
Qazaqstandyq tennısshi ekinshi setti breıkpen bastady – 2:0. Taǵy bir breık – 4:0. Aqyry úshinshi matchbolyn sátti paıdalana aldy – 6:1.
Báseke 1 saǵat 14 mınýtqa sozyldy.
Z.Dııas ekinshi aınalymda otandasy, álemniń 31-inshi, osy dodanyń 11-raketkasy ıÝlııa Pýtıntseva nemese reıtıngide 104-satydaǵy germanııalyq Andrea Petkovıchtiń bireýimen sheberlik baıqasady.
Qazaqstan áıelder quramasynyń kapıtany ıAroslava Shvedova ekinshi aınalymǵa shyǵa almady. Ol álemniń 77-raketkasy, japonııalyq Mısakı Doıden 3:6, 3:6 esebimen utylyp qaldy.
Eske sala keteıik, budan buryn qazaqstandyq tennısshilerdiń Charlston týrnırindegi qarsylastary anyqtalǵanyn, A.Býblıktiń ATP chempıondyq kestesinde úzdik ondyqqa kirgenin jazǵan bolatynbyz.
