Tennıs: Zarına Dııas Beıjińniń negizgi týrnırine joldama aldy
ASTANA. QazAqparat - Qazaqstandyq tennısshi Zarına Dııas Beıjiń týrnırindegi irikteý saıysynyń fınalynda ulybrıtanııalyq Hıter Ýotsonmen kúsh synasty, dep habarlaıdy QazAqparat tilshisi.
Zarına álemdik reıtıngte 92-inshi orynda, qarsylasy odan bir saty joǵary turǵanyna qaramastan, oıyn qazaqstandyq tennısshiniń aıqyn basymdylyǵymen ótti.
Z.Dııas alǵashqy partııada Ýotsonǵa birde-bir geım bermeı, 6:0 esebimen jeńiske jetti. Ekinshi set te onyń paıdasyna sheshildi - 6:3.
Kezdesý 1 saǵat 1 mınýtqa sozyldy.
Osylaısha Zarına Dııas Beıjińniń negizgi týrnırine joldama aldy. Onyń endigi qarsylasy keıin anyqtalady.
Іrikteý saıystaryna sondaı-aq Qazaqstannyń birinshi, álemniń 45-inshi raketkasy ıÝlııa Pýtıntseva da qatysýda. Ol alǵashqy básekesinde qytaılyq Ifan Sıýıdi 6:0, 6:4 esebimen ońaı utty. Qazirgi sátte ol irikteý saıysynyń fınalynda álemniń 111-inshi raketkasy, amerıkalyq Krıstına Makheılmen negizgi týrnırdiń joldamasyn sarapqa salýda.
Eske sala keteıik, budan buryn Z.Dııastyń Beıjińde irikteý saıysynyń fınalyna shyqqanyn jazǵan bolatynbyz.
