Tennıs: Zarına Dııas Beıjińde irikteý saıysynyń fınalyna shyqty
ASTANA. QazAqparat - Qazaqstandyq tennısshi Zarına Dııas Beıjiń týrnırinde irikteý saıysynyń fınalyna shyqty, dep habarlaıdy QazAqparat tilshisi.
Dúnıejúzilik reıtıngte 92-inshi orynda turǵan qazaqstandyq sportshy irikteý saıysynyń jartylaı fınalynda álemniń 82-inshi raketkasy, rýmynııalyq Monıka Nıkýleskýmen kúsh synasty.
Asa tartysty ótken matchta birinshi sette Zarına Dııas taı-breıkte 7:6 (7:4) esebimen jeńiske jetti. Ekinshi partııada M.Nıkýleský 6:3 esebimen ese qaıyrdy.
Úshinshi, sheshýshi sette qazaqstandyq tennısshi basymdyq kórsetti - 6:4.
Kezdesý 2 saǵat 22 mınýtqa sozyldy.
Z.Dııas negizgi týrnırge joldama alý úshin reıtıngte ózinen bir saty joǵary turǵan ulybrıtanııalyq Hıter Ýotsonmen sheberlik baıqasady. Ol jartylaı fınalda osy irikteý saıysynyń 6-ynshy raketkasy bolyp tirkelgen, reıtıngte 62-inshi oryndaǵy amerıkalyq Sofııa Kenındi 6:3, 4:6, 6:3 esebimen tize búktirdi.
Aıta keteıik, irikteý saıysynyń 2-shi raketkasy bolyp tirkelgen, reıtıngte 45-shi satyda turǵan taǵy bir qazaqstandyq ıÝlııa Pýtıntseva Qytaı eliniń ókili Sıýı Ifanmen kortqa shyǵady. Ony utsa, amerıkalyq Krıstına Makheıl nemese polıak qyzy Magda Lınettiń qaı jeńgenimen negizgi týrnırdiń joldamasyn sarapqa salady.
Álemniń birinshi raketkasy, rýmynııalyq Sımona Halep syndy myqtylar qatysatyn Beıjiń týrnıri 7 qazan kúni márege jetip, jeńimpaz anyqtalady.
