Tennıs: Zarına Dııas Beıjiń týrnıriniń irikteý saıysyn sátti bastady
NUR-SULTAN. QazAqparat - Qazaqstandyq Zarına Dııas Beıjiń WTA týrnıriniń irikteý saıysyn sátti bastady, dep habarlaıdy QazAqparat tilshisi.
Álemniń 78-raketkasy Z.Dııas dúnıejúzilik reıtıngte 89-orynda turǵan vengrııalyq Tımeıa Baboshpen kezdesti.
Birinshi partııada qazaqstandyq tennısshi aıqyn basymdylyq kórsetti - 6:1.
Ekinshi sette de Zarına esesin jibergen joq - 6:4.
Báseke 1 saǵat 12 mınýtqa sozyldy.
Zarına irikteý saıystarynyń fınalynda álemniń 66-raketkasy, reseılik Anna Blınkova nemese reıtıngte 108-satydaǵy qytaılyq Chjý Lınniń bireýimen kortqa shyǵady. Onda utsa, negizgi jarysqa joldama alady.
Eske sala keteıik, budan buryn Elena Rybakınanyń Ýhan týrnırinde jeńilip qalǵanyn, al Aleksandr Býblıktiń Chendý dodasynyń shırek fınalyna shyqqanyn jazǵan bolatynbyz.
