Tennıs: Zarına Dııas Aýstralııa chempıonatynyń alǵashqy aınalymynan asa almady
ASTANA. QazAqparat - Qazaqstandyq Zarına Dııas Aýstralııa ashyq chempıonatynyń alǵashqy aınalymynda serbııalyq Aleksandra Krýnıchpen kortqa shyqty, dep habarlaıdy QazAqparat tilshisi.
A.Krýnıch álemniń 61-raketkasy bolǵanymen, Z.Dııas (reıtıngte 95-satyda) buǵan deıingi ózara eki kezdesýde de jeńiske jetken. Ekeýi de - bir jyldyń tóli, bıyl 26-ǵa tolady.
Birinshi sette qazaqstandyq tennısshi oıyn tizginin óz qolyna alyp, 6:3 esebimen basymdylyq kórsetti.
Ekinshi partııa áldeqaıda tartysty órbidi. Esep 5:4 bolǵan mezette Z.Dııas matchqa dop bergenimen, ókinishke qaraı, ol múmkindigin paıdalana almady. Budan keıin úsh geımdi qatarynan alǵan A.Krýnıch 7:5 esebimen ese qaıyrdy.
Úshinshi, sheshýshi sette taǵy úsh geımdi óz paıdasyna jazǵan serbııalyq tennısshi 3:0 esebimen alǵa shyqty. Asa tartysty geımde taǵy bir breık jasaǵan A.Krýnıch esepti 5:1-ge jetkizdi. Aqyry matchqa dop bergendegi múmkindigin jibergen joq - 6:1.
Báseke 2 saǵatqa jýyq ýaqytqa sozyldy.
A.Krýnıch ekinshi aınalymda bastapqy kezdesýinde frantsııalyq Fıona Ferrony 6:4, 6:3 esebimen tize búktirgen álemniń 21-raketkasy, qytaılyq Van Tsıanmen sheberlik baıqasady.
Z.Dııas ótken jyly da Aýstralııa ashyq birinshiliginiń alǵashqy aınalymynan asa almaǵan bolatyn.
Eske sala keteıik, budan buryn Qazaqstannyń birinshi, álemniń 39-raketkasy ıÝlııa Pýtıntsevanyń Aýstralııa ashyq chempıonatyn jeńispen bastaǵanyn jazǵan bolatynbyz. Ol ekinshi aınalymda reıtıngte 49-oryndaǵy shveıtsarııalyq Belında Benchıchpen sheberlik baıqasady.
Erler arasyndaǵy jekeleı synda Qazaqstannyń birinshi, álemniń 56-raketkasy Mıhaıl Kýkýshkın búgin frantsııalyq, reıtıngte 31-satydaǵy Lýkas Pýılmen kezdesedi.
