Tennıs: Zarına Dııas Aýstralııa chempıonatyn jeńispen bastady
NUR-SULTAN. QazAqparat – Qazaqstandyq Zarına Dııas Aýstralııa ashyq chempıonatyn jeńispen bastady, dep habarlaıdy QazAqparat tilshisi.
Dúnıejúzilik reıtıngte 73-orynda turǵan Z.Dııas alǵashqy aınalymda álemniń 24-inshi, osy jarystyń 21-raketkasy, amerıkalyq Amanda Anısımovamen kezdesti.
Qazaqstandyq tennısshi 26-da bolsa, qarsylasy nebári 18-de edi.
Zarına birinshi partııada óz basymdylyǵyn kórsete bildi – 6:3.
Esesine ekinshi sette esep 1:1 bolǵan mezette Amanda breık jasaı aldy. Sosyn Zarına da breık jasaǵanymen, esepti 5:2-ge jetkizdi. Z.Dııas esepti qysqartqanymen, A.Anısımova múmkindigin jibermedi – 6:4.
Úshinshi, sheshýshi partııada amerıkalyq sportshy breıkpen alǵa shyqty – 2:1. Degenmen buǵan Zarına qos birdeı breıkpen jaýap qaıyrdy – 4:2. Aqyry ol osy basymdylyǵynan aıyrylǵan joq – 6:3.
Tartysty báseke 1 saǵat 47 mınýtqa sozyldy.
Z.Dııas ekinshi aınalymda álemniń 58-raketkasy, reseılik Anna Blınkova nemese reıtıngte 96-oryndaǵy ıtalııalyq ıAsmın Paolınıdiń bireýimen sheberlik baıqasady.
Taǵy bir qazaqstandyq, reıtıngte 38-oryndaǵy ıÝlııa Pýtıntseva álemniń 37-raketkasy, taıbeılik Se Shýveımen oınap jatyr.
Ótken jylǵy Aýstralııa chempıonatynda Z.Dııas bastapqy kezdesýinde-aq súrinse, ıÝlııa Pýtıntseva ekinshi aınalymnan asa almaǵan edi. Al Qazaqstannyń qazirgi birinshi raketkasy Elena Rybakına qatyspaǵan bolatyn.
Eske sala keteıik, budan buryn E.Rybakınanyń Aýstralııa ashyq chempıonatynyń ekinshi aınalymyna shyqqanyn, al Mıhaıl Kýkýshkın men Aleksandr Býblıktiń jeńilip qalǵanyn jazǵan bolatynbyz.
