Tennıs: Zara Dárken Mınskidegi týrnırdiń fınalynda jeńilip qaldy
NUR-SULTAN. QazAqparat – Qazaqstandyq Zara Dárken ýkraınalyq Eva Galıevskaıamen birge juptyq synda Mınskide jasóspirimder arasynda SMENA CUP halyqaralyq týrnıriniń fınalynda jeńilip qaldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, jasóspirimder arasyndaǵy jyldyń alǵashqy jarysynda qazaqstandyq-ýkraınalyq jup sońǵy básekede Belarýs eliniń ókilderi Marta Melnıchenok pen Aleksandra Slahaevamen kezdesti.
Tartysty ótken match barysynda qarsylastar ár dop úshin kúresip baqty.
Birinshi partııada belarýs juby 7:5 esebimen basymdyq tanytty. Ekinshi settiń ortasynda da olarǵa sáttilik joldas boldy. Sóıtip básekeni jeńispen támamdaı bildi – 7:5.
Zara Dárken jekeleı synda jarystyń birinshi raketkasy bolyp, jartylaı fınalǵa deıin jetti. Shırek fınalda qazaqstandyq tennısshi Belarýs ókili Alına Býrshty 6:1, 6:1 esebimen ońaı jeńdi. Áıtse de jartylaı fınalda taǵy bir belarýs qyzy Polına Kýharenkoǵa 2:6, 6:7 esebimen ese jiberdi.
Eske sala keteıik, Zara Dárken Eýropa jasóspirimder reıtıngisinde úzdik 30 tennısshiniń qataryna kirdi.
