Tennıs: Zańǵar Nurlanuly Slovakııadaǵy týrnırdiń fınalyna shyqty
NUR-SULTAN. QazAqparat - Qazaqstandyq Zańǵar Nurlanuly 14 jasqa deıingi sportshylar arasynda Slovakııada ótip jatqan Tennis Europe serııasy boıynsha ekinshi sanattaǵy Baseline Open U14 2022 týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Zańǵar jartylaı fınalda Qytaıdyń osy jastaǵylar boıynsha birinshi raketkasy ıAnhong Lıdi tas-talqan etip jeńdi - 6:1, 6:1.
Fınalda 13 jasar qazaqstandyq tennısshi slovakııalyq Zıgo Sheshkomen bas júldeni sarapqa salady.
Z.Nurlanuly juptyq synda da Z.Sheshkomen birge fınalǵa shyqty. Olar sońǵy básekede qytaılyq ıA.Lı - chehııalyq ıAn Rastıtsamen synǵa túsedi.
Eske sala keteıik, budan buryn Andreı Golýbevtiń Indıan-Ýells týrnıriniń ekinshi aınalymyna shyqqanyn jazǵan bolatynbyz.
