Tennıs: Zańǵar Nurlanuly Majarstanda ótken týrnırdiń jeńimpazy atandy
NUR-SULTAN. QazAqparat – Qazaqstandyq Zańǵar Nurlanuly jasóspirimder arasynda juptyq synda Majarstan astanasy Býdapeshtte ótken Alfa Tl Cup TE týrnıriniń jeńimpazy atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Z.Nurlanuly qytaılyq Lı ıAnhongpen birge fınalda majarstandyqtar Marsel Metstso – Botong Nagıdi 6:4, 7:5 esebimen utty.
Qazaqstannyń jas juldyzy jekeleı synda da tabysty óner kórsetti. Zańǵar fınalda ǵana osy jarystyń 2-raketkasy, chehııalyq Martın Doskoshılge 3:6, 3:6 esebimen ese jiberdi.
Taǵy bir qazaqstandyq, Aqtaý tennıs mektebiniń túlegi Danıal Rahmatýllaev Tbılısıde ótken ITF MZIURI CUP 2021 dodasynyń fınalyna deıin jetti. Ol sońǵy básekede jarysnyń 4-raketkasy, Belarýs ókili Tıhon Fedorovtan utyldy – 3:6, 1:6.
Sondaı-aq Qyrǵyzstan astanasy Bishkekte jasóspirimder arasynda ITF J5 Bishkek Open 2 týrnıri márege jetti. Munda qazaqstandyqtar Arslanbek Aıtqulov pen Aleksandr Chernomaz bir apta buryn juptyq synda chempıon atanǵan jetistikterin qaıtalaı almady. Olar bul joly reseılik Pavel Petrov – amerıkalyq Maksımılıan Výflıngten aılasyn asyra alǵan joq – 1:6, 2:6.
Qyzdar arasynda Erkejan men Asyljan Arystanbekovalar fınalda tartysty básekede reseılikter Valerııa Ivanovskaıa – Serafıma Shastovadan jeńilip qaldy – 4:6, 6:7 (1:7).
Eske sala keteıik, budan buryn Rolan Garros týrnıri bastalatynyn, Elena Rybakınanyń jeńispen bastaǵanyn jazǵan bolatynbyz.
Sondaı-aq Jibek Qulambaeva Shymkent týrnıriniń chempıony atandy.
