Tennıs: Zańǵar Nurlanuly Frantsııadaǵy týrnırdiń chempıony atandy
NUR-SULTAN. QazAqparat - Qazaqstandyq Zańǵar Nurlanuly Frantsııadaǵy 14 jasqa deıingiler arasynda birinshi sanatty Tennis Europe týrnıriniń chempıony atandy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Zańǵar fınalda frantsııalyq Tımeo Trýfellımen bas júldeni sarapqa saldy.
Birinshi partııada kort ıesi basymdylyq tanytty - 7:5.
Degenmen ekinshi sette Zańǵar oıyn tizginin óz qolyna ala bildi - 6:1.
Úshinshi, sheshýshi partııada da Z.Nurlanuly qarsylasyna des bergen joq - 6:1.
Fınalǵa deıingi jolda qazaqstandyq tennısshi Aýstrııa, Reseı jáne Frantsııa elderiniń myqty oıynshylaryn qapy qaldyrdy.
Osylaısha ol Tennis Europe serııasy boıynsha ótken týrnırlerde tórtinshi tıtýlyna qol jetkizdi.
Eske sala keteıik, budan buryn Zańǵar Nurlanulynyń Frantsııadaǵy jarystyń fınalyna shyqqanyn jazǵan bolatynbyz.
