Tennıs: Zańǵar Nurlanuly Eýropa reıtıngisinde úsh aı boıy kósh bastap keledi
NUR-SULTAN. QazAqparat – Tennis Europe (TE) uıymy bıyl kúzde Monte-Karloda ótetin Junior Masters týrnıriniń jańartylǵan reıtıngisin jarııa etti, dep habarlaıdy QazAqparat tilshisi.
Qazaqstan tennıs federatsııasy málim etkenindeı, qazaqstandyq Zańǵar Nurlanuly chempıondyq kestede 14 jasqa deıingiler arasynda úsh aı boıy kósh bastap keledi.
Qazaqstannyń jas juldyzynyń enshisinde 445 upaı bar.
Sondaı-aq qazaqstandyqtardan Damır Jalǵasbaı 33-satyda, al Danıel Tazabekov 111-orynda tur. Bul elimizde bolashaǵynan úlken úmit kúttiretin jas tennısshilerdiń ósip kele jatqanyn kórsetedi.
Eske sala keteıik, budan buryn Beıbit Jýkaevtyń Elorda týrnıriniń fınalyna deıin jetkenin jazǵan bolatynbyz.
