Tennıs: Zańǵar Nurlanuly Eýropa chempıondar kestesinde qaıta kósh bastady

NUR-SULTAN. QazAqparat – Tennis Europe (TE) uıymy bıyl kúzde 14 jasqa deıingiler arasynda Monte-Karloda ótetin Junior Masters týrnıriniń (chempıondyq keste) jańartylǵan reıtıngisin jarııa etti, dep habarlaıdy QazAqparat tilshisi.

Qazaqstan tennıs federatsııasy málim etkendeı, Zańǵar Nurlanuly atalmysh reıtıngte 445 upaımen qaıta kósh bastady.

Zańǵar buǵan ótken aptada Parıjde Tennis Europe serııasy boıynsha uıymdastyrylǵan jarysta jeńimpaz atanýy nátıjesinde qol jetkizdi. Týrnır barysynda jas qazaqstandyq tennısshi Aýstrııa, Reseı jáne Frantsııa elderiniń birinshi raketkalaryn qapy qaldyrǵan bolatyn.

Tennis Europe uıymynyń 14 jasqa deıingiler arasyndaǵy jalpy reıtıngisinde Zańǵar Nurlanuly besinshi orynǵa jaıǵasty.

Junior Masters – iri halyqaralyq doda. Oǵan Eýropanyń 14 jáne 16 jasqa deıingi eń úzdik tennısshileri qatysady. Kezinde munda Rafael Nadal, Kım Kleısters, Aleksandr Zverev, Belında Benchıch syndy myqty oıynshylar chempıon atandy.

Eske sala keteıik, budan buryn Zańǵar Nurlanulynyń Frantsııadaǵy týrnırdiń chempıony atanǵanyn jazǵan bolatynbyz.