Tennıs: Zańǵar Nurlanuly Berlındegi týrnırdiń fınalyna shyqty
NUR-SULTAN. QazAqparat – Qazaqstannyń jas juldyzy Zańǵar Nurlanuly Berlınde ótip jatqan ekinshi sanattaǵy Tennis Europe14&U Berlin International týrnıriniń fınalyna shyqty, dep habarlaıdy QazAqparat tilshisi.
Qazaqstan tennıs federatsııasy málim etkenindeı, 13 jastaǵy Z.Nurlanuly jartylaı fınalda aýstralııalyq Djımmı Makkenzıdi 6:2, 6:1 esebimen utty.
Zańǵar erteń sheshýshi básekede amerıkalyq Karel Obrıel nemese chehııalyq Martın Doskoshıldiń bireýimen bas júldeni sarapqa salady.
Z.Nurlanuly 14 jasqa deıingiler arasyndaǵy Eýropa jasóspirimder reıtıngisinde 127-orynda keledi. Berlınde jeńiske jetken jaǵdaıda aldaǵy dúısenbide jańartylatyn reıtıngide jaǵdaıyn edáýir jaqsartady. Sońǵy jyldary Eýropadaǵy jarystarda synǵa túsip júrgen Zańǵar tehnıkalyq sheberligin de arttyrýda.
Eske sala keteıik, budan buryn Zarına Dııastyń juptyq synda Ýımbldon týrnırin sátti bastaǵanyn, Aleksandr Býblıktiń álemniń 21-raketkasyn utyp, úshinshi aınalymǵa ótkenin jazǵan bolatynbyz.
Sondaı-aq Andreı Golýbev juptyq synda ekinshi aınalymǵa shyqty.
