Tennıs: Z.Dııastyń jolyn S.Ýılıams taǵy bógeı me?
ASTANA. QazAqparat - 24 naýryz-5 sáýir aralyǵynda AQSh-tyń Maıamı qalasynda áıelder arasynda halyqaralyq iri týrnır ótip, oǵan álemniń mańdaıaldy tennısshileri túgelge jýyq qatysady.
Chempıonat.kom saıtynan alynǵan málimetke qaraǵanda, bul jarystyń júlde qory 5,4 mln. AQSh dollaryna jýyqtaıdy.
Qazaqstannyń birinshi, álemniń 32-inshi, osy týrnırdiń 29-ynshy raketkasy Zarına Dııas reıtıngisiniń joǵary bolýyna baılanysty alǵashqy kúngi synǵa qatyspaıdy. Ekinshi aınalymda Zarına amerıkandyq Katrın Bellıs nemese gollandııalyq Indı de Vromnyń bireýimen kezdesedi. Ony utqan jaǵdaıda Z.Dııas úshinshi aınalymda álemniń birinshi raketkasy, ataqty amerıkandyq Serena Ýılıamspen taǵy sheberlik baıqasýy ábden yqtımal. Serena ekinshi aınalymda birinshi kúni kúsh synasatyn rýmynııalyq Monıka Nıkýleský nemese otandasy Shelbı Rodjerstiń qaı jeńgenimen kortqa shyǵady.
Maıamıde taǵy bir qazaqstandyq ıAroslava Shvedova bastapqy oıynyn shvetsııalyq ıÝhanna Larssonmen ótkizedi.
Aıta keteıik, ótken aptada Indıan-Ýells týrnırinde S.Ýılms ekinshi aınalymda tartysty kezdesýde sol M.Nıkýleskýdi 7:5, 7:5 esebimen utyp, odan keıin Zarınany 6:2, 6:0 esebimen ońaı jeńgen bolatyn. Bul týrnırde Serena jartylaı fınalda densaýlyǵynyń syr berýine baılanysty bolashaq jeńimpaz, rýmynııalyq Sımona Haleppen oınaýdan bas tartqan edi.
