TENNIS: Z.Dııastyń jeńisti jolyn ıÝ.Pýtıntseva jalǵady
ASTANA. QazAqparat - Londonda keshe bastalǵan Ýımbldon týrnırinde qazaqstandyq, álemniń 95-inshi raketkasy, 20 jasar ıÝlııa Pýtıntseva ózinen jeti jas úlken jańazelandııalyq, dúnıejúzilik reıtıngte 86-ynshy orynda turǵan Marına Erakovıchpen kúsh synasty.
Chempıonat.kom saıtynan alynǵan málimetke qaraǵanda, tartysty ótken birinshi partııada taı-breıkte ıÝ.Pýtıntseva 7:6 (7:5) esebimen jeńiske jetti. Ekinshi partııa 7:5 esebimen qazaqstandyq tennısshiniń paıdasyna sheshildi. Ekinshi aınalymda ıÝlııa ataqty amerıkandyq, Serenanyń apasy, osy týrnırdiń 16-ynshy raketkasy Vınýs Ýılıamspen sheberlik baıqasady. Ol taǵy bir amerıkandyq Medıson Brengldi bet qaratpaı, 6:0, 6:0 esebimen tize búktirdi. Aıta keteıik, Ýımbldon týrnırin jeńispen bastaǵan Qazaqstannyń birinshi raketkasy Zarına Dııas ekinshi aınalymda belorýssııalyq Aleksandra Sasnovıchpen kezdesedi. Z.Dııas birinshi aınalymda álemniń 24-inshi raketkasy, ıtalıandyq Flavııa Pennettanyń meselin qaıyrsa, A.Sasnovıch qytaılyq Chjý Lındi 4:6, 7:5, 6:1 esebimen úsh partııada utty. Avstralııalyq Keısı Dellakýamen birge juptyq saıysta týrnırdi sátti bastaǵan taǵy bir qazaqstandyq ıAroslava Shvedova jekeleı synda horvatııalyq Mırıana Lıýchıch-Baronımen kortqa búgin shyǵady.
