TENNIS: Z.Dııas Vashıngton týrnırinde kort ıesi L.Devıspen kúsh synasady
ASTANA. QazAqparat - Tennısten Vashıngton qalasynda 3-9 tamyz aralyǵynda ótetin halyqaralyq týrnırge Qazaqstannan Zarına Dııas pen ıÝlııa Pýtıntseva qatysady.
Chempıonat.kom saıtynan alynǵan málimetke qaraǵanda, Qazaqstannyń birinshi, álemniń 32-inshi, osy jarystyń segizinshi raketkasy Zarına Dııas alǵashqy aınalymda amerıkandyq Loren Devıspen kúsh synasady. Olardyń ekeýi de - bir jyl, bir aıdyń tóli, 1993 jyldyń qazanynda dúnıege kelgen. Taǵy bir qazaqstandyq ıÝlııa Pýtıntseva birinshi kezdesýin japondyq tennısshi Kýrýmı Naramen ótkizedi.
Aıta keteıik, AQSh-tyń ashyq chempıonaty aldyndaǵy ázirlik syndy esepteletin Vashıngton týrnıriniń júlde qory - 226750 AQSh dollary. Buǵan deıin Z.Dııas Ýımbldon týrnırinde tabysty óner kórsetip, tórtinshi aınalymǵa deıin jetip, onda reseılik Marııa Sharapovaǵa ese jibergen bolatyn.
