TENNIS: Z.Dııas Tokıoda, M.Kýkýshkın men A.Golýbev Sankt-Peterborda óner kórsetedi
ASTANA. QazAqparat - Qazaqstandyq tennısshiler birneshe iri jarysqa qatysýda.
Chempıonat.kom saıtynan alynǵan málimetke qaraǵanda, Japonııa astanasy Tokıoda bastalǵan áıelder arasyndaǵy týrnırdiń alǵashqy aınalymynda Qazaqstannyń ári Azııanyń birinshi raketkasy Zarına Dııas amerıkalyq Medıson Brenglmen kezdesedi. Bul jarystyń birinshi raketkasy danııalyq Karolına Voznıatskı bolsa, týrnırdiń ótken jylǵy jeńimpazy, serbııalyq Ana Ivanovıch, sondaı-aq ıspanııalyq Garbın Mýgýrýsa, polıak qyzy Agneshka Radvanska, nemis Anjelıka Kerber sııaqty myqtylar bar. 27 qyrkúıekte márege jetetin bul týrnırdiń júlde qory - 881,1 myń AQSh dollary. Ótken aptada osy qaladaǵy jarystyń ekinshi aınalymyna deıin jetken Z.Dııas dúısenbi kúni jańartylǵan reıtıngte eki satyǵa joǵarylap, 41-inshi orynǵa kóterilgen bolatyn.
Qytaıdyń Gýanjchoý qalasynda ótip jatqan jarysta (júlde qory - 226 750 AQSh dollary) taǵy bir qazaqstandyq ıÝlııa Pýtıntseva alǵashqy básekede rýmynııalyq Monıka Nıkýleskýmen sheberlik baıqasady. Al Seýl qalasyndaǵy týrnırde (júlde qory - 426 750 dollar) ıAroslava Shvedova amerıkalyq Krıstına Makheılmen kortqa shyǵady.
Áıelder Azııada baq synap jatsa, erler Eýropada óner kórsetýde. Bul rette Sankt-Peterbor týrnıri tennıs súıer qaýymnyń nazaryn erekshe aýdaryp otyr. Uıymdastyryla bastaǵanyna 20 jyl tolǵan bul jarystyń júlde qory alǵash ret 1 mln. AQSh dollarynan asyp otyr. Qatysýshylar da osal emes. Solardyń qatarynda qazaqstandyqtar Mıhaıl Kýkýshkın men Andreı Golýbev bar. Ásirese, budan bes jyl buryn osy jarystyń jeńimpazy atanǵan M.Kýkýshkınge qazaqstandyqtardyń kóbirek úmit artýy zańdy. Onyń birinshi qarsylasy - ózbekstandyq Denıs Istomın. Al irikteý saıystarynan ótip, negizgi týrnırge qosylǵan A.Golýbevke germanııalyq Bendjamın Bekker qarsy turmaq. Eger qazaqstandyq tennısshiler qarsylastaryn tize búktirse, ekinshi aınalymda ózara kezdesedi.
Frantsııanyń Mets qalasyndaǵy týrnırde (júlde qory - 439 405 AQSh dollary) taǵy bir qazaqstandyq Aleksandr Nedovesov kanadalyq Vashek Pospıshılden aılasyn asyrýǵa tyrysyp kórmek.
Aıta keteıik, osy jarystarda sátti oınaǵan tennısshilerdiń reıtıngisi de kóterileri anyq.
