Tennıs: Z.Dııas taǵy da A.Kerbermen kezdese me?
ORAL. QazAqparat - Pekınde tennıste ótip jatqan iri halyqaralyq týrnırdiń alǵashqy aınalymynda qazaqstandyq Zarına Dııas ózinen úsh saty joǵary turǵan álemniń 37-inshi raketkasy, chehııalyq Klara Kýkalovamen sheberlik synasty.
Jýyrda Qytaıdyń Ýhan qalasynda ótken sondaı jarysta Zarına dál osy K.Kýkalovamen kezdesip, úsh partııada jeńgen bolatyn. «Chempıonat. Kom» saıtynan alynǵan málimetke qaraǵanda, bul joly qazaq qyzy Klarany eki partııada (6:1, 6:4) tize búktirdi.
Ekinshi aınalymda Zarına nemis qyzy, álemniń segizinshi raketkasy Anjelıka Kerber nemese avstralııalyq Keısı Dellakýamen kortqa shyǵady. Ýhanda ótken týrnırdiń ekinshi aınalymynda Z.Dııas tartysty kezdesýde dál osy A.Kerberge jol bergen edi.
Aıta keteıik, Pekındegi týrnırdiń júlde qory 5,4 mln. astam AQSh dollaryn quraıdy. Oǵan álemniń myqty degen tennısshileri qatysýda. Ókinishke qaraı, taǵy bir qazaqstandyq ıAroslava Shvedova birinshi aınalymda ıtalııalyq Roberta Vınchıden úsh partııada jeńilip qaldy.
