TENNIS: Z.Dııas pen ıA.Shvedova halyqaralyq týrnırlerdi sátti bastady

Vesti.kz saıtynan alynǵan málimetke qaraǵanda, Qazaqstannyń birinshi, álemniń 32-inshi raketkasy, 21 jasar Z.Dııas Ulybrıtanııanyń Nottıngem qalasyndaǵy jarystyń alǵashqy aınalymynda ıtalıandyq tisqaqqan tennısshi Francheska Skıavonemen kezdesti. Eki saǵatqa jýyq ýaqytqa sozylǵan tartysty matchta eki taı-breıkte de Zarına 7:6 (7:5), 7:6 (8:6) esebimen jeńiske jetti. 2010 jyly «Rolan Garros» týrnırin utqan 34 jasar F.Skıavone qazir álemdik reıtıngte 75-inshi orynda tur.

Zarına kelesi aınalymda amerıkandyq 20 jasar, dúnıejúzilik reıtıngte 129-ynshy orynda turǵan Sachııa Vıkerımen kortqa shyǵady. Ol negizgi týrnırge irikteý saıystary arqyly ótip, birinshi aınalymda qytaılyq Tszıan Vandy jeńdi.

Qazaqstandyq taǵy bir tennısshi ıAroslava Shvedova Gollandııanyń Hertogenbos qalasyndaǵy týrnırde osy jarystyń birinshi, álemniń on birinshi raketkasy, kanadalyq Ejenı Býsharmen kúsh synasty. Eki saǵatqa jýyq ýaqytty alǵan bul kezdesýde ıAroslava 6:4, 1:6, 6:4 esebimen qarsylasyn tize búktirdi. Úshinshi, sheshýshi partııada álemdik satyda 76-ynshy oryndaǵy qazaqstandyq tennısshi 0:4 esebimen jeńilip jatyp, tarazy basyn ózine aýdara bildi.

ıA.Shvedovanyń kelesi qarsylasy - jańazelandııalyq Marına Erakovıch. Ol birinshi aınalymda germanııalyq Karına Vıtthefti 6:4, 7:6 esebimen joldan taıdyrdy.

Aıta keteıik, Ýımbldon týrnırine daıyndyq bolyp esepteletin bul eki jarystyń da júlde qory - 250 myń AQSh dollary. Ótken jylǵy Ýımbldon týrnırinde Z.Dııas pen ıA.Shvedova tabysty óner kórsetip, tórtinshi aınalymǵa deıin jetken bolatyn.