Tennıs: Z.Dııas Maıamı týrnıriniń ekinshi aınalymyna shyqty

Vesti.kz saıtynyń habarlaýynsha, Zarına birinshi aınalymda Belarýs tennısshisi Olga Govortsovany 6:0, 6:1 esebimen oısyrata utty. 22 jastaǵy Z.Dııas álemdik reıtıngte 97-inshi orynda bolsa, 27 jastaǵy O.Govortsova 84-inshi satyda keledi.

Ekinshi aınalymda Zarına osy týrnırdiń 31-inshi raketkasy, Avstralııa namysyn qorǵap júrgen burynǵy reseılik Darıa Gavrılovamen kezdesedi. Eger ony utsa, álemniń birinshi raketkasy, amerıkalyq Serena Ýılıamspen kortqa shyǵýy ábden yqtımal.

Osy týrnırde Qazaqstannyń birinshi raketkasy ıÝlııa Pýtıntseva, ókinishke qaraı, alǵashqy aınalymda amerıkalyq Nıkol Gıbbzden 4:6, 2:6 esebimen utylyp qaldy. Osynyń aldynda Indıan-Ýells týrnıriniń úshinshi aınalymynda N.Gıbbz taǵy bir qazaqstandyq ıAroslava Shvedovany súrindirgen bolatyn.

Maıamıde sondaı-aq Galına Voskoboeva birinshi aınalymda frantsııalyq belgili tennısshi Alıze Kornemen kúsh synasady. Al ıA.Shvedova irikteý saıystarynan óte almady.

Eske sala keteıik, eki aptaǵa sozylatyn Maıamı týrnıriniń júlde qory 6,1 mln. astam AQSh dollaryn quraıdy.