TENNIS: Z.Dııas Dohada A.Petkovıchpen taǵy kezdese me?
ASTANA. QazAqparat - Qazaqstannyń birinshi raketkasy Zarına Dııas Katardyń Doha qalasynda 23-28 aqpan aralyǵynda tennısten ótetin halyqaralyq týrnırge qatysady.
Chempıonat.kom saıtynan alynǵan málimetke qaraǵanda, Zarına birinshi aınalymda ózinen bir jas kishi, 1994 jylǵy týnıs qyzy Ons Jabermen kúsh synasady. Eger ekinshi aınalymǵa ótse, Z.Dııas taǵy da germanııalyq Andrea Petkovıchpen kezdesip qalýy múmkin. Zarına osynyń aldynda Dýbaıda ótken týrnırde álemniń onynshy raketkasyn jeńip ketken bolatyn.
Aıta keteıik, júlde qory 731 myń AQSh dollaryna teń Doha týrnırine chehııalyq Petra Kvıtova, danııalyq Karolına Voznıatskı, polıak Agneshka Radvanska syndy álemniń mańdaıaldy tennısshileri qatysady. Al Dýbaı týrnıriniń jeńimpazy atanǵan rýmynııalyq Sımona Halep jaraqatyna baılanysty Dohada oınaýdan bas tartty.
