Tennıs: Z.Dııas Doha týrnırinde álemniń onynshy raketkasymen kezdesedi
ASTANA. QazAqparat - QazAqparat budan buryn boljaǵanyndaı, tennısten Doha qalasynda ótip jatqan halyqaralyq týrnırdiń ekinshi aınalymynda osy aptada dúnıejúzilik reıtıngte qaıtadan 31-inshi orynǵa joǵarylaǵan Zarına Dııas germanııalyq, álemniń onynshy, atalmysh týrnırdiń altynshy raketkasy Andrea Petkovıchpen kezdesedi.
Chempıonat.kom saıtynan alynǵan málimetke qaraǵanda, 24 aqpan kúni 21 jasar Zarına týnıs tennısshisi Ons Jaberdi 6:3, 6:2 esebimen tize búktirdi. Al 27 jastaǵy A.Petkovıchke belgııalyq Kırsten Flıpkensti jeńý ońaıǵa túsken joq. Birinshi partııada 7:6 esebimen K.Flıpkens basymdylyq kórsetse, sodan keıin A.Petkovıch qaıratyna minip, 6:3, 6:2 esebimen ese qaıyrdy.
Aıta keteıik, budan bir apta buryn Z.Dııas Dýbaı týrnırinde dál osy A.Petkovıchti eki partııada (7:5, 6:3) utyp ketken bolatyn. Bul qazaqstandyq tennısshiniń óz sporttyq jolynda alǵashqy ondyqtaǵy oıynshyny ekinshi ret utýy edi (birinshisi - serbııalyq Elena ıAnkovıch). Al eger Dohadaǵy týrnırde de sáttilik pen sheberlik joldas bolyp, Zarına qarsylasyn joldan taıdyrsa, úshinshi aınalymda reseılik Ekaterına Makarovamen taǵy da kortqa shyǵýy múmkin (Dýbaıda Z.Dııas odan jeńilip qalǵan bolatyn). Osy týrnırdiń besinshi raketkasy E.Makarova ekinshi aınalymda chehııalyq Lıýsı Shafarjovamen kúsh synasady.
