Tennıs: Z.Dııas Charlston týrnırinde alǵashqy aınalymnan asa almady
ASTANA. QazAqparat - AQSh-tyń Charlston qalasynda tennısten ótip jatqan halyqaralyq týrnırdiń birinshi aınalymynda qazaqstandyq Zarına Dııas osy jarystyń 12-inshi raketkasy, avstralııalyq Darıa Gavrılovamen kúsh synasty.
Tikeleı sporttyq kórsetilim arqyly málim bolǵanyndaı, birinshi partııa avstralııalyq tennısshiniń basymdylyǵymen ótti. Ol esepti 5:0-ge jetkizgennen keıin Zarına óz geımin alǵanmen, D.Gavrılova 6:1 esebimen jeńiske jetti. Ekinshi partııada dál osy jaǵdaı qaıtalanyp, bul joly kerisinshe Z.Dııas 6:1 esebimen utty. Sheshýshi, úshinshi partııada breık jasaǵan avstralııalyq tennısshi 2:0 esebimen alǵa ketti. Budan keıin Zarına tarazy basyn teńestirgenimen, Darıa taǵy bir breıkke qol jetkizip, qorytyndysynda 6:3 esebimen qazaqstandyq tennısshini tize búktirdi.
Sóıtip munyń aldyndaǵy Maıamı týrnırinde dál osy D.Gavrılovany 7:5, 6:3 esebimen utqan Z.Dııas Charlston týrnırinde alǵashqy aınalymnan asa almady.
Eske sala keteıik, júlde qory 753 myń AQSh dollaryn quraıtyn Charlston týrnıriniń birinshi aınalymynda sondaı-aq Qazaqstannyń birinshi, álemniń 61-inshi raketkasy ıÝlııa Pýtıntseva japonııalyq Kýrýmı Naramen, al ıAroslava Shvedova reseılik Evgenııa Rodınamen kortqa shyǵady.
