TENNIS: Z.Dııas Bırmıngemde Hertogenbos týrnıriniń jeńimpazy K.Djordjımen kúsh synasady
ASTANA. QazAqparat - Qazaqstannyń birinshi raketkasy Zarına Dııas Ulybrıtanııanyń Bırmengem qalasynda 15-21 maýsym aralyǵynda ótetin halyqaralyq týrnırdiń birinshi aınalymynda ıtalıandyq tennısshi Kamıla Djordjımen sheberlik baıqasady.
Chempıonat.kom saıtynan alynǵan málimetke qaraǵanda, atalmysh jarystyń júlde qory - 665,9 myń AQSh dollary. Álemdik satyda alǵashqy úshtikke kiretin rýmynııalyq Sımona Halep osy jarystyń birinshi raketkasy bolyp tirkelgen.
Buǵan deıin álemdik reıtıngte 35-inshi oryndy ıelengen 23 jasar K.Djordjı Gollandııanyń Hertogenbos qalasynda márege jetken týrnırde asa sátti óner kórsetip, jeńimpaz atandy. Sóıtip ol óz sporttyq jolynda osyndaı birinshi tabysqa qol jetkizdi. Atalǵan jarys barysynda ol Qazaqstannyń ekinshi raketkasy ıAroslava Shvedovany tartysty básekede utyp ketti. Budan buryn Zarına men Kamıla ótken jyly bir-aq ret kezdesip, Maıamıde qazaqstandyq tennısshi jeńgen bolatyn.
Eske sala keteıik, Z.Dııas Ulybrıtanııanyń Nottıngem qalasynda ótken týrnırde álemniń 129-ynshy raketkasy Sachııa Vıkerıge jol berip, ekinshi aınalymnan asa almaǵan edi.
