TENNIS: Z.Dııas Bırmıngem týrnıriniń úshinshi aınalymyna shyqty
ASTANA. QazAqparat - Qazaqstannyń birinshi, álemniń 34-inshi raketkasy Zarına Dııas Ulybrıtanııanyń Bırmıngem qalasynda ótip jatqan halyqaralyq týrnırdiń úshinshi aınalymyna shyqty.
Chempıonat.kom saıtynan alynǵan málimetke qaraǵanda, osy jarystyń 12-inshi, álemniń 25-inshi raketkasy, belarýs qyzy Vıktorııa Azarenko aıaǵynyń jaraqatyna baılanysty Z.Dııaspen kezdesýden bas tartty.
Zarına shırek fınalǵa shyǵý úshin osy týrnırdiń 6-ynshy raketkasy, chehııalyq Karolına Plıshkova nemese brıtanııalyq Iohanna Kontanyń bireýimen kúsh synasady.
Eske sala keteıik, júlde qory 665,9 myń AQSh dollaryn quraıtyn Bırmıngem týrnıriniń alǵashqy aınalymynda Zarına Dııas ótken aptada Gollandııanyń Hertogenbos qalasynda halyqaralyq týrnırdiń jeńimpazy atanǵan ıtalıandyq Kamıla Djordjımen kezdesýi tıis bolatyn. Alaıda K.Djordjı bul jarysqa qatysýdan bas tartqannan keıin Zarına birinshi kezdesýinde irikteý saıystarynan ótip, negizgi týrnırge qosylǵan ýkraın qyzy Katerına Bondarenkony 7:6, 7:6 esebimen utqan edi.
