TENNIS: Z.Dııas Bırmıngem týrnıriniń ekinshi aınalymyna shyqty
ASTANA. QazAqparat - Qazaqstannyń birinshi raketkasy Zarına Dııas Ulybrıtanııanyń Bırmıngem qalasynda ótip jatqan halyqaralyq týrnırde alǵashqy jeńisine qol jetkizdi.
Vesti.kz saıtynan alynǵan málimetke qaraǵanda, Zarına birinshi aınalymda negizgi týrnırge irikteý saıystarynan ótip, qosylǵan ýkraın qyzy Katerına Bondarenkomen kúsh synasty. Eki saǵattaı ýaqytqa sozylǵan kezdesýde qazaqstandyq tennısshi qos taı-breıkti de 9:7, 7:5 esebimen óz paıdasyna jazdy.
Z.Dııas negizi alǵashqy aınalymda ıtalıandyq Kamıla Djordjımen sheberlik baıqasýy tıis bolatyn. Biraq ol bul týrnırge qatysýdan bas tartty. Zarına ekinshi aınalymda ataqty belorýs tennısshisi, osy týrnırdiń 12-inshi raketkasy Vıktorııa Azarenkomen kortqa shyǵady.
Aıta keteıik, jańartylǵan álemdik reıtıngte Z.Dııas eki orynǵa syrǵyp, 34-inshi satyǵa ornalasqan bolatyn. K.Bondarenko 120-synshy orynda tursa, kezinde dúnıejúzilik kóshti bastaýshylardyń biri bolǵan, Avstralııa ashyq chempıonatynyń eki márte jeńimpazy V.Azarenko qazir 25-inshi satyda keledi.
